துபாய்க்கு வீட்டு வேலைக்காக சென்ற 4 தமிழக பெண்கள் தங்களை காப்பாற்றும்படி கண்ணீர் மல்க வீடியோ ஒன்றை சமூக ஊடகங்களில் வெளியிட்டுள்ளனர்.
சென்னை தண்டையார் பேட்டை பகுதியை சேர்ந்த வேளாங்கண்ணி,வடிவு,வள்ளி மற்றும் திருவற்றியூர் பகுதியை சேர்ந்த கவிதை என்ற இந்த 4 பெண்கள் அங்கு வேலைக்காக சென்ற நிலையில் கடந்த 2 மாதங்களாக இவர்களை அடித்து துன்புறுத்துவதாகவும் தங்களை தமிழகம் அழைத்துவர நடவடிக்கை எடுக்குமாறும் வெளியிட்டுள்ள வீடியோவில் தெரிவித்துள்ளனர்.
அதில் ஒரு பெண்மணி பேசுகையில் தாங்கள் மிகவும் கஷ்ப்படுகிற குடும்பம் எனவும் தன்னுடைய 3 குழந்தைகளுக்காக துபாய் வந்ததாகவும், செருப்பால் அடிப்பதாகவும்,கடந்த இரண்டு நாட்களாக சாப்பிடவில்லை எனவும் வீட்டில் அழைத்து பேசக்கூட கைபேசி கொடுப்பதில்லை எனவும் தங்களை காப்பாற்றும்படி தமிழக முதல்வர் மீட்கும்படியும் வேண்டுக்கோள் விடுத்துள்ளனர்.
