சம்மாந்துறை அன்சார்.
தெஹிவளை, ஹில் வீதியில் உள்ள விபச்சார விடுதியில் நேற்றிரவு நடத்தப்பட்ட சோதனையின் போது ஐந்து வெளிநாட்டுப் பிரஜைகள் உட்பட ஏழு பெண்கள் கைது செய்யப்பட்டுள்ளனர்.
பொலிஸாருக்குக் கிடைத்த இரகசிய தகவலின் அடிப்படையில் நடத்தப்பட்ட சோதனையின் போது விபச்சார விடுதியின் மேலாளரும் கைது செய்யப்பட்டதாக பொலிஸார் தெரிவித்துள்ளனர்.
குறித்த விபச்சார விடுதியின் மேலாளர் கொழும்பு -08 இல் வசிக்கும் 43 வயதுடையவர் எனவும், கைது செய்யப்பட்ட பெண்கள் 23-39 வயதுக்குட்பட்டவர்கள் எனவும் அவர்கள் பாணந்துறை மற்றும் வெள்ளவத்தை பகுதியைச் சேர்ந்தவர்கள் எனவும் தெரிய வந்துள்ளது.
விபச்சார விடுதியில் கைது செய்யப்பட்ட வெளிநாட்டினருக்கு செல்லுபடியாகும் விசாக்கள் இல்லை மற்றும் விசா நிபந்தனைகளை மீறி இலங்கையில் அதிகமாக தங்கியிருந்தனர் என்பது முதற்கட்ட விசாரணையில் தெரியவந்துள்ளது.
மேலும் விசாரணையில் இந்த விபச்சார விடுதி பல சமூக ஊடக தளங்கள் மற்றும் இணையதளங்களில் விளம்பரப்படுத்தப்பட்டது தெரியவந்துள்ளது.
நேற்றிரவு கைது செய்யப்பட்ட சந்தேக நபர்கள் இன்று கல்கிஸ்ஸ நீதவான் நீதிமன்றத்தில் ஆஜர்படுத்தப்படவுள்ளதாக பொலிஸார் தெரிவித்தனர்.
செய்தி மூலம் - https://www.newswire.lk
