2020 ஆம் ஆண்டுக்கான திறந்த பல்கலைக்கழக சட்டமாணி (LLB) பட்டப்படிப்பினை தொடர்வதற்கான நுழைவுப் பரீட்சை விண்ணப்பங்கள் கோரப்பட்டுள்ளன. நேற்று முதல் 13-09-2020 முதல் இணையத்தளத்தின் மூலம் Online வழியாக அதற்கு விண்ணப்பிக்க முடியும் என, இலங்கை திறந்த பல்கலைக்கழகம் அறிவித்துள்ளது.
தகைமைகள்:
க.பொ.த. உயர் தரப் பரீட்சை பழைய பாடத்திட்டத்திற்கு அமைய 4 பாடங்களில் அல்லது புதிய பாடத்திட்டத்தில் 3 பாடங்களில் ஒரே அமர்வில் சித்தியடைந்திருத்தல் வேண்டும். அல்லது இலங்கை கல்வித் தகைமை மட்ட நியமத்தில் (SLQF) மட்டம் 2 இல் 30 பாடநெறி புள்ளிகள் அல்லது அதற்கு மேல் அல்லது உச்ச நீதிமன்றில் சட்ட வழக்கறிஞர் (Attorney-at-Law) ஆக இருத்தல் அல்லது அதற்கு சமனான அல்லது அதிலும் அதிக அங்கீகரிக்கப்பட்ட தகைமையை கொண்டிருத்தல்
இம்முறை நுழைவுப் பரீட்சைகள் பின்வருமாறு அமையவுள்ளன.
• உணர்வாற்றல் (தமிழ்/ சிங்களம்) (1 ½ மணித்)
• ஆங்கில மொழி (1 ½ மணித்)
• பொது நுண்ணறிவு (1 மணித்)
ஒவ்வொரு பரீட்சையும் 100 புள்ளிகளைக் கொண்டிருக்கும் என்பதோடு, மொத்தமான 300 புள்ளிகளில் நாடளாவிய ரீதியில் அதிகூடிய புள்ளிகளைப் பெறும் மாணவர்கள் பாடநெறிக்கு தெரிவு செய்யப்படுவார்கள்.
பரீட்சைகள் இடம்பெறும் இடங்கள்:
கொழும்பு, மாத்தறை, கண்டி, அநுராதபுரம், மட்டக்களப்பு, யாழ்ப்பாணம், குருணாகல், பதுளை, இரத்தினபுரி, ஆகிய பிராந்திய நிலையங்களில் பரீட்சைகள் இடம்பெறவுள்ளன.
பாடநெறிகள் இடம்பெறும் மொழிகள்
பாடநெறிக்கான அனைத்து விடயங்கள் மற்றும் இணைப்புகள் யாவும் ஆங்கில மொழியில் மாத்திரம் வழங்கப்படும்.
காலப் பகுதி:
4 வருடங்கள்; ஒவ்வொரு வருடமும் இரண்டு பருவங்களை (Semester) கொண்டிருக்கும். மாணவர் ஒருவர் தாம் பாடநெறிக்கு தெரிவு செய்யப்பட்டு, பதிவு செய்த தினத்திலிருந்து 12 கல்வி ஆண்டுகளுக்குள் பாடநெறியை பூர்த்தி செய்ய வேண்டும்.
விண்ணப்ப ஆரம்ப திகதி: செப்டெம்பர் 13, 2020
விண்ணப்ப முடிவுத் திகதி: ஒக்டோபர் 13, 2020
நுழைவுப் பரீட்சை திகதி: டிசம்பர், 2020
பரீட்சைக் கட்டணம்: ரூ. 2,000
விண்ணப்பிக்க - https://reginfo.ou.ac.lk/applyonline/
