மஹிந்தானந்த அளுத்கமகே மற்றும் நலின் பெர்னாண்டோ ஆகியோருக்கு 20 மற்றும் 25 ஆண்டுகள் கடுங்காவல் சிறைத்தண்டனை.

முன்னாள் அமைச்சர்களான மஹிந்தானந்த அளுத்கமகே மற்றும் நலின் பெர்னாண்டோ ஆகியோருக்கு கொழும்பு நிரந்தர உயர் நீதிமன்ற விசாரணை நீதிமன்றம் முறையே 20 ஆண்டுகள் மற்றும் 25 ஆண்டுகள் கடுங்காவல் சிறைத்தண்டனை விதித்துள்ளது. மஹிந்தானந்த அளுத்கமகேவுக்கு 20 ஆண்டு கால சிறைத் தண்டனையும், நலின் பெர்னாண்டோவுக்கு 25 ஆண்டு சிறைத் தண்டனையும் விதிக்கப்பட்டுள்ளது. 

விளையாட்டு மற்றும் வர்த்தக அமைச்சர்களாக இருந்த காலத்திலும், 2015 ஜனாதிபதித் தேர்தல் காலத்திலும் விளையாட்டு உபகரணங்களை இறக்குமதி செய்தது தொடர்பான ஊழல் வழக்கில் இருவருக்கும் தண்டனை விதிக்கப்பட்டுள்ளது.

சந்தேக நபர்களுக்கு எதிராக சுமத்தப்பட்ட குற்றச்சாட்டுகள் சந்தேகத்திற்கு இடமின்றி நிரூபிக்கப்பட்டுள்ளதாக நீதிமன்றம் தீர்ப்பளித்தது.

விளையாட்டுக் கழகங்களுக்கு விநியோகிப்பதற்காக 14,000 கேரம் போர்டுகள் மற்றும் 11,000 வரைவுப் பலகைகளை இறக்குமதி செய்தபோது, ​​இரண்டு முன்னாள் அமைச்சர்களும் ரூ. 53.1 மில்லியன் பணத்தை முறைகேடாகப் பயன்படுத்தியதாக லஞ்ச ஒழிப்பு ஆணையம் தாக்கல் செய்த வழக்கில் குற்றம் சாட்டப்பட்டது. 

செய்தி மூலம் - https://www.newswire.lk

தமிழில் - சம்மாந்துறை அன்சார்.