சவுதி அரேபியாவில் கொரோனா தொற்றாளர்களின் எண்ணிக்கை 7,142 ஆக உயர்வு.

தகவல் - சம்மாந்துறை அன்சார்.

சவுதி அரேபியாவில் கொரோனா தொற்றாளர்களின் எண்ணிக்கை நாளுக்கு நாள் அதிகரித்து வரும் நிலையில் கடந்த 24 மணி நேரத்தில் 762 புதிய தொற்றாளர்கள் இனங் காணப்பட்டுள்ளனர். சவுதியில் இதுவரை இனங் காணப்பட்ட எண்ணிக்கையை விட இதுவே ஆகக் கூடுதலான எண்ணிக்கையாகும். தற்போது மொத்த கொரோனா தொற்றாளர்களின் எண்ணிக்கை 7,142 ஆக உயர்ந்துள்ளது.

சவுதியில் இதுவரை இக் கொடிய நோயிலிருந்து 1,049 பேர் குணமடைந்துள்ளனர் 87 பேர் மரணமடைந்துள்ளனர். தற்போது இனங் காணப்பட்ட 762 புதிய தொற்றாளர்களில் அதிகமானோர் மக்கா நகரைச் சேர்ந்தவர்களாவர்.

சவுதியில் 50 வீதமான கொரோனா தொற்றாளர்கள் சனநெரிசல் மிக்க குடியிருப்புப் பகுதிகள் மற்றும் தொழிலாளர்கள் தங்கும் விடுதிகள் பகுதிகளிலிருந்தே அடையாளம் காணப்படுவதாக சவுதி அரேபிய செய்திகள் தெரிவிக்கின்றன.