சவூதி அரேபியாவின் உள்துறை அமைச்சகமானது அந்நாட்டில் வசிக்கும் வெளிநாட்டவர்களின் காலாவதியான ரெசிடென்ஸ் பெர்மிட் (Iqama) மற்றும் வெளிநாட்டினரின் Exit and Re-entry விசாக்களை மூன்று மாதங்கள் இலவசமாக நீட்டிப்பு செய்வதாக தெரிவித்துள்ளது. இதற்கு முன்னதாக, இதே போன்று காலாவதியான விசா வைத்திருந்தவர்களுக்கு மூன்று மாதங்களுக்கு இலவசமாக விசா நீட்டிக்கப்படும் என அறிவித்து அவர்கள் அனைவரின் விசாக்காலமும் நீட்டிக்கப்பட்டது குறிப்பிடத்தக்கது.
அதே போல், நாட்டினுள் இருக்கும் வெளிநாட்டவர்களுக்கு இறுதி Exit visa (Final Exit visa), Exit and Re-entry visa போன்ற விசாக்கள் வழங்கப்பட்டு, கொரோனாவின் பாதிப்பால் விதிக்கப்பட்ட ஊரடங்கு மற்றும் போக்குவரத்து தடையின் காரணமாக பயன்படுத்தாமல் இருந்தால் அவர்களின் விசாக்களும் எவ்வித கட்டணமும் இன்றி மூன்று மாதங்களுக்கு நீட்டிக்கப்படும் என்றும் தெரிவிக்கப்பட்டுள்ளது.
செய்தி மூலம் - https://www.saudigazette.com.sa
தமிழ் - khaleej tamil (www.khaleejtamil.com)
