ஆண்கள் எப்போதும் பெண்களின் முன்னிலையில் தங்களை மதிப்புமிக்கவர்களாகக் காண்பிப்பார்கள்.
பெண்கள் ஆண்களிடம் எதிர் பார்க்கும் விஷயங்கள், ஆண்களிடம் என்ன பிடிக்கும் என்பது பற்றி தெரிந்து கொள்வோமா?
முதல் சந்திப்பில் ஒருவரைப் பற்றி மற்றவருக்கு ஏற்படும் உணர்வு சரியாக இருக்க வேண்டும் என்பது அவசியம் இல்லை என்றாலும் , நீங்கள் ஒரு பெண்ணை முதலில் சந்திக்கும் தருணங்களில் அவர்களுடன் உங்கள் உறவை வளர்த்துக் கொள்ள விரும்புவீர்கள். அதற்காக உங்களை அழகாக காட்ட முயற்சி செய்வீர்கள். பெண்களுக்கு கூர்மை உணர்வு அதிகம். ஆண்களின் நடவடிக்கை பார்வையைக் கொண்டே அவர்களைப் பற்றிய முடிவை யூகித்துகொள்வதில் வல்லவர்கள்.
பெண்களின் மதிப்பீட்டில் நல்ல அபிப்ராயத்தைக் கொள்ள என்னவெல்லாம் செய்ய வேண்டும். நாங்கள் குறிப்பிட்டிருக்கும் இந்த 9 அம்சங்களையும் கவனத்தில் கொள்ளுங்கள்.. நிச்சயம் உங்களின் எதிர்பார்ப்பு பூர்த்தியாகும்.
1. உயரம்:
உயரம், ஏறக்குறைய பெண்கள் ஒரு ஆணிடம் பார்க்கும் முதல் அம்சம் இது தான். தாங்கள் அதிக உயரமோ, அல்லது உயரம் குறைந்தவரோ, தாங்கள் தங்கள் உயரத்தை சரியாக பயன்படுத்துங்கள். தாங்கள் உயரமாக இருந்தால் சாய்ந்தோ அல்லது உயரம் குறைவாக இருந்தால் அதனைக் காட்டிக் கொள்ளாமலோ இருத்தல் வேண்டும்.
2. தட்டையான தொப்பையில்லாத வயிறு:
ஒரு தட்டையான வயிறு கொண்ட ஆடவரை எந்த பெண்ணும் விரும்புவார். உடல் நலனில் அக்கறை உள்ள ஆரோக்கியமான ஆண் தான் பெண்களின் ஃபர்ஸ்ட் சாய்ஸ். அதற்காக, 6 -பேக் வயிறுதான் தேவை என்று நினைக்கவேண்டாம். குறைந்த உடற்பயிற்சி செய்து வயிற்றில் உள்ள தேவையற்ற கொழுப்புகளை கரைத்து தட்டையான வயிறு இருக்கும்படி எப்போதும் பராமரிக்க வேண்டும்.
3. வலிமையான புஜங்கள்:
பெண்களுக்கு மிகவும் பிடிப்பது கம்பீரமான பெரிய அளவுடன் கூடிய வலிமையான கைகள். நல்ல உடற்கட்டு உடைய பெரிய உடல் தேவை இல்லை, இருப்பினும் குறைந்த பட்சம் உடல் சீரானதாகவும், வலிமையானதாகவும் இருப்பது அவர்களை மீண்டும் பார்க்கத் தூண்டும். பெண்களை கவரும் அம்சங்களின் இதுவும் குறிப்பிடும்படியான ஒன்று.
4. நம்பிக்கையூட்டும் கண்கள்:
கண்ணோடு கண்கள் தொடர்பு கொள்ளும் தங்களின் பழக்கம் ஒன்று ஒரு பெண்ணைக் கவர்ந்திழுக்கும். நீங்கள் பெண்களிடம் பேசும் போது உங்கள் பார்வை அவரிடம் கவனம் செலுத்துவதாய் இருக்க வேண்டும். அவரிடம் பேசும் போது உங்களின் பார்வையை அங்கும், இங்குமாய் அலைபாயாமல் தவிர்க்க வேண்டும். அவருடைய கண்களைத் தைரியமாய்ப் பார்த்துப் பேசுங்கள், அப்படி செய்தால் அப்பெண் நீண்ட நேரம் உங்களுடன் பேச விரும்புவாள்.
5. கூந்தல்:
சுருள் முடியோ, நேர் முடியோ, கருப்போ, பழுப்போ, இவை எதுவும் முக்கியம் இல்லை,. பெண்களுக்கு. ஆயினும், தலைமுடி மிருதுவாகவும் மற்றும் சுத்தமாகவும் இருப்பது அவர்களுக்கு மிகவும் பிடிக்கும். எண்ணெய் பசை, மற்றும் பொடுகு தலைமுடிகளை நிச்சயம் விரும்ப மாட்டார்கள். அதிகமான தலை முடிகளையும் பெண்கள் விரும்புவதில்லை.அதனால் தலை முடிகள் அதிகம் இல்லாமல் மென்மையாகவும், சுத்தமாகவும் பராமரித்தல் அவசியம்.
6. நறுமணம்:
விளம்பரங்களில் காட்டப்படுவது போல் வாசனைகளில் எளிதாக கவர்ப்படுபவர்கள் பெண்கள் அல்ல. அவை வியாபரத்திற்காக செய்யப் படும் ஒரு தந்திரம் ஆகும். ஆதலால் செயற்கை நறுமண திரவியங்களில் நாம் குளிக்க வேண்டாம். இது பெண்களைத் தங்களிடம் கொண்டு வரப்போவதில்லை. ஆயினும் இலேசான, இனிமையான நறுமணம் அவர்களை உங்களிடம் ஈர்க்கும் என்பதில் ஐயமில்லை.
7. புன்னகை:
தங்களின் அனைத்து உருவ அம்சங்களைக் கவனித்த பிறகு, பெண்கள் தங்கள் புன்னகையை (தங்களது உதடுகளை) கவனிக்கத் தவற மாட்டார்கள். பொதுவாக இருந்த இதழ்கள் கவர்ச்சிகரமாக தோன்றாது. ஆகவே இங்கே ஒரு ஆரோக்கிய குறிப்பு, புகைபிடிப்பதைத் தவிருங்கள். மேலும், உலர்ந்த, வெடிப்புகள் உள்ள உதடுகள் பார்க்க நன்றாக இராது. ஆதலால், உதடுகளை மென்மையாகவும், ஈரப்பதம் கொண்டதாகவும் வைத்துக் கொள்ள உதட்டுப் பசையை உபயோகியுங்கள். தங்களின் ஓட்டு மொத்த ஆரோக்கியத்தை தங்களின் புன்னகை வெளிப்படுத்தி விடும். ஆகவே, தங்களின் பற்களில் படிந்திருக்கும் மஞ்சள் படலத்தை நீக்கி விடுங்கள். மேலும் தங்களின் வாயில் துர்நாற்றம் வீசினால், புதினா அல்லது வாய் புத்துணர்ச்சி திரவத்தைப் பயன்படுத்துங்கள்.
8. தனிபட்ட உடல் நலம்:
நேர்மறை விஷயங்கள் பெரும்பாலும் கவனிக்கப்படாமல் போகலாம். ஆயினும் ஒரு எதிர்மறை விஷயம் கண்டிப்பாக பெண்களின் கவனத்திற்கு வராமல் போகாது. ஆதலால் தங்களின் உடல் நலத்தின் மீது அதீத கவனம் செலுத்துங்கள். தங்களின் கை மற்றும் கால் நகங்களை பராமரிக்க அழகு நிலையம் செல்ல வேண்டியதில்லை. ஆயினும், அவை கவனிக்கப் படாமல் போக வாய்ப்பில்லை. மேலும், தாங்கள் உடுத்தும் சட்டையில் வியர்வை திட்டுகள் இல்லாதவாறு பார்த்துக் கொள்ளுங்கள். ஏனெனில் இந்த விஷயமும் பெண்களால், கவனிக்கப்படாமல் போக வாய்ப்பில்லை. தாங்கள் காலுறைகள் மற்றும் காலணிகள் அணிய வேண்டிய அவசியம் இல்லை. ஆயினும், தாங்கள் அணிய நேர்ந்தால், தங்களின் பாதங்களில் இருந்து துர்நாற்றம் வராது பார்த்துக் கொள்ளுங்கள்.
9. தங்களின் ஓட்டு மொத்த ஆளுமை:
உங்கள் முதல் சந்திப்பு மட்டுமே முக்கியத்துவம் வாய்ந்ததாக இருக்கும் என்ற எண்ணத்தை மாற்றிக்கொள்ளுங்கள். உங்கள் ஒட்டுமொத்த ஆளுமையும் ஒவ்வொரு சந்திப்பிலும் தொடர்ந்து கவனிக்கப்படும். ஒவ்வொரு முறையும் நீங்கள் பேசும் விதம், பழகும் விதம், உங்கள் நடை, உடை, கம்பீரமான பேச்சு, நகைச்சுவை உணர்வு எல்லாமே முக்கியமானது.
மேற்கூறிய 9 குறிப்புகளையும் சரியாக கையாண்டால் பெண்களின் மத்தியில் நீங்கள் மதிப்பும் மரியாதையும் அன்புக்கும் உரியவராக எப்போதும் இருப்பீர்கள். சமூகத்திலும் உங்களுக்கு உயர்ந்த இடம் உண்டு.
