சட்டவிரோதமான முறையில் கடல் வழியாக வெளிநாட்டுக்கு செல்ல முயன்ற 67 பேர் இலங்கை கடற்படையினரால் கைது செய்யப்பட்டுள்ளனர்.
சல்லிசம்பல்தீவு மற்றும் திருகோணமலை கடற்பரப்பில் நேற்று (23) இரவு மேற்கொள்ளப்பட்ட விசேட சுற்றிவளைப்பின் போதே சந்தேகநபர்கள் கைது செய்யப்பட்டதாக கடற்படையினர் தெரிவித்துள்ளனர்.
அதன்படி, திருகோணமலை கடற்படை கப்பல்துறையின் கடற்படையினர் குழுவொன்று நிலாவெளி பொலிஸாருடன் இணைந்து சல்லிசம்பால்தீவில் மேற்கொள்ளப்பட்ட தேடுதல் நடவடிக்கையின் போது 30 முதல் 40 வயதுக்குட்பட்ட 12 ஆண் சந்தேக நபர்களை கைது செய்துள்ளனர்.
இப்பகுதியில் எஞ்சியிருக்கும் தனிநபர்கள் குழு கடல் வழிகள் வழியாக சட்டவிரோதமாக குடியேற முயற்சித்ததாக சந்தேகிக்கப்படுகிறது.
இந்தச் சட்ட விரோதச் செயலுக்குப் பயன்படுத்தப்பட்ட 02 முச்சக்கர வண்டிகள், ஒரு கெப், மற்றும் ஒரு வேன் என்பவற்றை சோதனையில் ஈடுபட்ட தரப்பினர் கைப்பற்றுவதற்கும் இந்த நடவடிக்கை வழிவகை செய்துள்ளது.
கைது செய்யப்பட்ட சந்தேக நபர்களிடமிருந்து கிடைத்த தகவலின் அடிப்படையில், கிழக்கு கடற்படை கட்டளையின் 4 வது விரைவுத் தாக்குதல் புளோட்டிலாவுடன் இணைக்கப்பட்ட விரைவுத் தாக்குதல் கப்பலான P 483 மற்றும் P 415 தேடுதல் நடவடிக்கையில் ஈடுபடுத்தப்பட்டதாக கடற்படை தெரிவித்துள்ளது.
திருகோணமலை கடற்பரப்பில் சந்தேகத்திற்கிடமான மீன்பிடி இழுவை படகு ஒன்றை SLN பிரிவுகள் இடைமறித்துள்ளனர். இடைமறித்த மீன்பிடிக் கப்பலைச் சோதனையிட்டபோது, கடல் வழியாக வெளிநாடுகளுக்கு சட்டவிரோதமாக குடியேற முயற்சித்ததாகக் கருதப்படும் 03 முதல் 53 வயதுக்குட்பட்ட மேலும் 55 பேரை கடற்படையினர் கைது செய்தனர்.
கைது செய்யப்பட்ட சந்தேக நபர்கள் யாழ்ப்பாணம், திருகோணமலை, மட்டக்களப்பு, புத்தளம், அம்பாறை, இரத்தினபுரி, கம்பஹா மற்றும் கொழும்பு ஆகிய பகுதிகளைச் சேர்ந்தவர்கள் என அடையாளம் காணப்பட்டுள்ளனர்.
சல்லிசம்பல்தீவில் தடுத்து வைக்கப்பட்டுள்ள நபர்களை மேலதிக சட்ட நடவடிக்கைகளுக்காக நிலாவெளி மற்றும் உப்புவெளி பொலிஸாரிடம் ஒப்படைப்பதற்கான நடவடிக்கைகள் மேற்கொள்ளப்பட்டு வருவதாக கடற்படையினர் தெரிவித்தனர்.
இதேவேளை, திருகோணமலை கடற்பரப்பில் வைத்து கைது செய்யப்பட்ட சந்தேகநபர்கள் குழு சட்ட நடவடிக்கைகளுக்காக திருகோணமலை துறைமுக பொலிஸாரிடம் ஒப்படைக்கப்படவுள்ளது.
ஆட்கடத்தல்காரர்களின் சூழ்ச்சியில் சிக்கி, ஆபத்தான கடல் பயணங்களில் ஈடுபடுவதைத் தவிர்க்குமாறு இலங்கை கடற்படை பொதுமக்களை வலியுறுத்தியுள்ளது.
செய்தி மூலம் - https://www.newswire.lk
தமிழில் - சம்மாந்துறை அன்சார்.
