மட்டக்களப்பு பிராந்தியத்தில் சேவையாற்றவென புதிதாக நியமிக்கப்பட்ட 30 வைத்தியர்களின் சேவை நிலையம் குறிப்பிட்ட நியமனக்கடிதங்கள் பிராந்திய சுகாதார சேவைகள் பணிப்பாளர் Dr. இரா.முரளீஸ்வரன் அவர்களினால் வழங்கி வைக்கட்டது.
மட்டக்களப்பு பிராந்திய சுகாதார சேவைகள் பணிமனையில் கடந்த 12.08.2024ம் திகதி திங்கட்கிழமை நடைபெற்ற இந்நிகழ்வில் பிராந்திய பொறுப்பு வைத்திய அதிகாரிகள், அரசாங்க மருத்துவ அதிகாரிகள் சங்கக்கிளையின் அதிகாரிகள் உட்பட பலர் கலந்து கொண்டிருந்தனர்.
பிராந்திய திட்டமிடல் வைத்திய அதிகாரி Dr.சிறிவித்தியன் ஒருங்கிணைப்பில் இடம்பெற்ற இந்நிகழ்வில் புதிய வைத்தியர்களுக்கான வரவேற்பினையும் மாவட்ட சுகாதார சேவையின் விரிவான அறிமுகத்தினையும் பிராந்திய சுகாதார சேவைகள் பணிப்பாளர் இரா.முரளீஸ்வரன் அவர்கள் மேற்கொண்டதுடன். பிராந்திய பொறுப்பு வைத்திய அதிகாரிகளின் துறைசார் அறிமுகமும் இடம்பெற்றது.
புதிதாக நியமனம் பெற்ற வைத்தியர்களுடன் அரசாங்க மருத்துவர்கள் சங்கதினரின் கலந்துரையாடலும் இடம்பெற்றிருந்தமை குறிப்பிடத்தக்கது.
