சம்மாந்துறை, அதன் நீண்ட வரலாறு, கலாச்சாரம், மற்றும் அதிகரித்துக் கொண்டிருக்கும் மக்கள் தொகையால் அழகு பெற்ற ஒரு மண். இவ்வூரில் பல்வேறு விளையாட்டுக் கழகங்கள் காணப்படுகின்றன.
இளைஞர்களின் உற்சாகம் மற்றும் ஆர்வத்தினை பிரதிபலிக்கின்ற இக்கழகங்கள், எங்கள் ஊரின் விளையாட்டு கலையை உயிர்ப்பிக்கின்றன. இருப்பினும், இளைய தலைமுறையினரின் வளர்ச்சிக்கு தேவையான ஒரு முழுமையான, பொதுவான, நவீன மைதானம் ஒரு நீண்ட காலத்திற்குப் பிறகும் முழுமையாக உருவாகாத நிலையில் உள்ளது.
இந்த முக்கியத்துவம் மிக்க தேவையை உணர்ந்த பின்னர், சம்மாந்துறை ஆடை தொழிற்சாலைக்கு அருகாமையில் புதிய மைதானம் ஒன்றை உருவாக்கும் முயற்சிகள் இடம்பெற்றன. முன்னாள் பிரதேச சபைத் தவிசாளர் ஐ.எல்.எம். மாஹிரின் தலைமையில் இளைஞர்களின் விளையாட்டு துறையினை மேம்படுத்தும் நோக்குடன், பிரதேச சபையின் ஊடாக பல உதவிகள் மேற்கொள்ளப்பட்டன.
ஆனாலும், இன்னும் நிறைவேற்றப்பட வேண்டிய பல பணிகள் உள்ளன. இப்பொழுது, மேலான காலத்திற்காக காத்திருக்க முடியாது. நமக்கான பிரதிநிதித்துவம் உறுதியானதும், உடனடியாக இம்மைதானத்தை நவீன தொழில்நுட்ப வசதிகளுடன் கூடிய ஒரு முழுமையான விளையாட்டுத் தளமாக மாற்ற வேண்டும்.
இந்த மைதானம், நமது இளைஞர்களின் திறமைகளை வளர்க்க உதவும் ஒரு முக்கிய மையமாக மாற வேண்டும். இது கிரிக்கெட், கால்பந்து, மெய்வல்லுநர் போட்டிகள் போன்ற பல்வேறு விளையாட்டுகளில் ஈடுபட, அவர்களுக்கு தேவையான வசதிகளை வழங்கும் ஒரு மையமாக இருக்கும். இதனால், சம்மாந்துறை மட்டும் அல்ல, சுற்றுவட்டாரப் பகுதிகளின் விளையாட்டு வீரர்கள் அனைவரும் இங்கு பயிற்சியுடன் மிளிர முடியும்.
இது மட்டுமல்லாமல், இவ்வமைப்பின் மூலம் பெருமையுடன் விளையாட்டுப் போட்டிகளை நடத்தவும், பெரும் அளவிலான நிகழ்வுகளை நடத்துவதற்கான வாய்ப்புகளையும் இளையோருக்கு வழங்கும்.
இவ்வாறு முழுமையான விளையாட்டு மைதானம் உருவாகும்போது, நம் சம்மாந்துறையின் இளைஞர்கள் தங்கள் திறமைகளை வளர்க்கும் சிறந்த வழி கிடைக்கின்றது. இது அவர்களின் ஆற்றலை ஒரு சரியான வழியில் செலுத்தும் ஒரு சின்னமாக இருக்கும். மேலும், இது சம்மாந்துறையின் சமூகவியல் வளர்ச்சிக்கும் ஒரு முக்கியமான தூணாக அமைவது உறுதி.
எனவே, விளையாட்டுத் துறை வளர்ச்சி நமக்கு மிக முக்கியம். இது நமது இளைஞர்களின் எதிர்காலத்தை முன்னெடுக்கும் ஒரு முக்கிய பணியாக காணப்பட வேண்டும்.
ஐ.எல்.எம். மாஹிர்
அகில இலங்கை மக்கள் காங்கிரஸ்.
- ஊடக பிரிவு -
