போதைப்பொருள் கடத்தல் வழக்கில் சவுதி அரேபியா நான்கு வெளிநாட்டினருக்கும் ஒரு சவுதி குடிமகனுக்கும் மரண தண்டனை நிறைவேற்றியுள்ளது. மெக்கா, நஜ்ரான் மற்றும் தபூக் மாகாணங்களில் இந்த மரண தண்டனை நிறைவேற்றப்பட்டது. அவர்கள் ஹெராயின் மற்றும் ஆம்பெடமைன் கடத்திய குற்றத்திற்காக கைது செய்யப்பட்டிருந்தனர்.
ஐந்து பேருக்கும் வெவ்வேறு வழக்குகளில் மரண தண்டனை நிறைவேற்றப்பட்டது. நஜ்ரானில் 3 பேருக்கும் மெக்கா மற்றும் தபூக்கில் தலா ஒருவருக்கும் மரண தண்டனை நிறைவேற்றப்பட்டதாக சவுதி உள்துறை அமைச்சகம் தெரிவித்துள்ளது. கடந்த ஒரு மாதத்தில், சவுதி அரேபியாவில் போதைப்பொருள் கடத்தலுக்காக 20 பேருக்கு மரண தண்டனை வழங்கப்பட்டது குறிப்பிடத்தக்கது.
