சவுதி அரேபியாவின் புதிய தொழிலாளர் சட்டங்களின்படி, நிர்ணயிக்கப்பட்ட கால வரையறை கொண்ட ஒப்பந்தம் (Fixed-term contract) மற்றும் கால வரம்பற்ற ஒப்பந்தம் (Indefinite-term contract) ஆகிய இரண்டுமே பணியாளர்களின் உரிமைகள் மற்றும் கடமைகளை வரையறுப்பதில் முக்கிய பங்கு வகிக்கின்றன.
கால வரையறை கொண்ட ஒப்பந்தங்கள் குறிப்பிட்ட காலம் முடிவடைந்தவுடன் தானாகவே முடிவுக்கு வரும் அல்லது புதுப்பிக்கப்படலாம்; மாறாக, கால வரம்பற்ற ஒப்பந்தங்கள் இரு தரப்பினரின் பரஸ்பர உடன்பாடு அல்லது சட்டப்பூர்வமான நிபந்தனைகளின்றி முடிவுக்கு வராது.
இந்த இரண்டு வகை ஒப்பந்தங்களும் பணியாளரின் பணிப் பாதுகாப்பு, வேலை நீக்கம் மற்றும் பணிக்கொடை (End-of-Service Benefits) போன்ற அம்சங்களில் கணிசமான வேறுபாடுகளைக் கொண்டிருப்பதால், ஒவ்வொரு தொழிலாளியும் தங்கள் பணி ஒப்பந்தத்தின் தன்மையைத் தெளிவாகப் புரிந்துகொள்வது மிக அவசியமாகும்.
சவுதியில் தொழிலாளர் ஒப்பந்தங்களின் வகைகள்.
சவுதி தொழிலாளர் அமைச்சகம் மற்றும் சட்டத்தின்படி, பொதுவாக ஒப்பந்தங்கள் கீழ்க்கண்டவாறு பிரிக்கப்படுகின்றன:
01. நிர்ணயிக்கப்பட்ட கால ஒப்பந்தம் (Fixed-term Contract): இது தற்போது சவுதியில் மிகவும் பொதுவானது. குறிப்பிட்ட காலத்திற்குப் பிறகு பணி முடிவடைவது அல்லது புதுப்பிப்பது இதில் அடங்கும்.
02. வேலை அல்லது பணியின் அடிப்படையிலான ஒப்பந்தம் (Contract for a specific work):
03. காலவரையற்ற ஒப்பந்தம் (Indefinite Contract): மேலே குறிப்பிட்டது போல, முடிவு தேதி இல்லாத நீண்ட கால ஒப்பந்தம்.
1. Fixed-term Contract (காலமுறை ஒப்பந்தம்)
இது ஒரு குறிப்பிட்ட காலத்திற்கு மட்டும் போடப்படும் ஒப்பந்தமாகும்.
கால அளவு: ஒப்பந்தத்தில் தொடக்க மற்றும் முடிவு தேதிகள் தெளிவாகக் குறிப்பிடப்பட்டிருக்கும் (உதாரணத்திற்கு: 1 வருடம், 2 வருடங்கள்).
முடிவு: ஒப்பந்த காலம் முடிவடைந்ததும், இரு தரப்பினரும் விரும்பினால் அதை மீண்டும் புதுப்பித்துக்கொள்ளலாம் (Renewal).
முடிவுக்கு வருதல்: ஒப்பந்த காலம் முடிந்தவுடன் அது தானாகவே முடிவுக்கு வந்துவிடும். எனினும், ஒப்பந்தத்தை முடிப்பதற்கு முன்னரே முடிப்பதாக இருந்தால், சவுதி சட்டப்படி நோட்டீஸ் காலம் (Notice period) மற்றும் இதர நிபந்தனைகளை முறையாகப் பின்பற்ற வேண்டும்.
2. Indefinite Contract (காலவரையற்ற ஒப்பந்தம்)
இதற்கு காலாவதியாகும் தேதி கிடையாது.
கால அளவு: இதில் குறிப்பிட்ட முடிவு தேதி இருக்காது. பணி நீக்கம் செய்யப்படவோ அல்லது பணியாளர் தானாக ராஜினாமா செய்யவோ கூடாது வரை இது தொடர்ந்து கொண்டே இருக்கும்.
பாதுகாப்பு: பணியாளருக்கு இது அதிக பணிப் பாதுகாப்பை (Job security) வழங்குகிறது.
முடிவு: இந்த ஒப்பந்தத்தை முடிப்பதற்கு சட்டப்பூர்வமான மற்றும் வலுவான காரணங்கள் தேவைப்படும். மேலும், நீண்ட நோட்டீஸ் காலம் மற்றும் முடிவுக்கு வரும்போது கொடுக்க வேண்டிய உரிமைகள் (End of Service Benefits) இதில் மாறுபடும்.
Fixed-term Contract மற்றும் Indefinite Contract ஆகிய இரண்டுக்கும் உள்ள முக்கிய வேறுபாடுகள்.
| அம்சம் | Fixed-term Contract | Indefinite Contract |
| கால அளவு | முடிவு தேதி உண்டு | முடிவு தேதி இல்லை |
| புதுப்பித்தல் | காலம் முடிந்ததும் புதுப்பிக்க வேண்டும் | தேவையில்லை (தொடரும்) |
| பணி விலகல் | ஒப்பந்த காலம் முடியும் வரை காத்திருக்க வேண்டும் | சட்ட விதிகளின்படி நோட்டீஸ் கொடுத்து விலகலாம் |
| நிபந்தனைகள் | குறிப்பிட்ட காலத்திற்கு மட்டும் கட்டுப்படியாகும் | நீண்ட கால உறவை அடிப்படையாகக் கொண்டது |
சவுதி அரேபியாவில் உள்ள பெரும்பாலான கொம்பனிகள் Fixed-term contracts அடிப்படையிலேயே தொழிலாளர்களை பணிக்கு அமர்த்தியிருப்பார்கள். சவுதி தொழிலாளர் சட்டத்தின் (Saudi Labor Law) கீழ், நிலையான கால ஒப்பந்தங்கள் (Fixed-term contracts) முடிவடையும் போது சில முக்கியமான விடையங்களில் கவனமாக இருக்க வேண்டியது அவசியம்.
1. ஒப்பந்தம் முடிவடைதல் (Article 55)
சவுதி தொழிலாளர் சட்டத்தின்படி, ஒரு நிலையான கால ஒப்பந்தம் அதன் காலம் முடிந்தவுடன் தானாகவே முடிவடைந்துவிடும்.
2. காலவரையற்ற ஒப்பந்தமாக மாறுதல்
ஒப்பந்தம் காலாவதியான பிறகும், எந்தவித முறையான புதுப்பித்தலும் (Renewal) இன்றி, ஊழியர் தொடர்ந்து பணிபுரிந்து, முதலாளியும் அதை ஏற்றுக்கொண்டால், சட்டம் அந்த ஒப்பந்தத்தை 'காலவரையற்ற கால ஒப்பந்தமாக' (Indefinite-term) கருதும்.
புதுப்பித்தல் விதிகள்: ஒப்பந்தத்தில் ஏற்கனவே புதுப்பித்தல் குறித்த நிபந்தனைகள் இருந்தால், அது அந்த ஒப்பந்தத்தில் குறிப்பிடப்பட்டுள்ள காலத்திற்குப் புதுப்பிக்கப்படும். ஆனால், தொடர்ந்து மூன்று முறை புதுப்பிக்கப்பட்டாலோ அல்லது அசல் ஒப்பந்தக் காலமும் புதுப்பித்தல்களும் சேர்ந்து மொத்தம் நான்கு ஆண்டுகள் முடிந்தாலோ (எது முன்னதாக வருகிறதோ), அந்த ஒப்பந்தம் தானாகவே காலவரையற்ற ஒப்பந்தமாக மாறிவிடும்.
3. நீங்கள் கவனிக்க வேண்டிய முக்கியமான விஷயங்கள்:
முறையான தகவல் பரிமாற்றம்: உங்கள் ஒப்பந்தம் முடிவடையப் போகிறது என்றால், நீங்கள் பணியைத் தொடர விரும்பவில்லை எனில், ஒப்பந்தத்தில் குறிப்பிடப்பட்டுள்ள காலக்கெடுவுக்குள் (Notice period) முதலாளிக்கு முறையான கடிதம் அல்லது மின்னஞ்சல் மூலம் அறிவிப்பது பாதுகாப்பானது.
வேலை வாய்ப்புத் தளம் (Qiwa): தற்போது சவுதியில் பெரும்பாலான ஒப்பந்தங்கள் 'Qiwa' தளம் மூலம் நிர்வகிக்கப்படுகின்றன. எனவே, உங்கள் ஒப்பந்தம் குறித்த நிலையை அந்தத் தளத்தில் சரிபார்ப்பது மிகவும் துல்லியமானது.
எச்சரிக்கை: ஒப்பந்தம் முடிந்த பிறகு "ஏதோ ஒரு நாள் தானே" என்று அலட்சியமாக இருக்க வேண்டாம். அந்த ஒரு நாள் கூட சட்டரீதியாக உங்கள் பணியின் நீட்டிப்பை உறுதிப்படுத்தும் ஆதாரமாக மாறக்கூடும்.
Notice Period-ஐ வேலை செய்யாவிட்டால்: நீங்கள் அறிவிப்பு காலத்தில் வேலை செய்ய விரும்பவில்லை என்றால், உங்கள் முதலாளியிடம் பேசி அதற்கு ஈடாகச் சம்பளத்தைக் கழித்துக் கொள்ள (Compensation in lieu of notice) சம்மதம் பெறலாம். இது பரஸ்பர உடன்படிக்கையின் அடிப்படையில் நடக்க வேண்டும்
சம்பளம் மற்றும் நிலுவைத் தொகை: ராஜினாமா செய்தாலும், நீங்கள் பணிபுரிந்த நாட்களுக்கான சம்பளம் மற்றும் அந்த ஒப்பந்தத்தின் கீழ் உங்களுக்கு வர வேண்டிய இதர நன்மைகள் (End of Service Benefits - சட்ட விதிமுறைகளுக்கு உட்பட்டு) உங்களுக்குக் கிடைக்க வேண்டும்
அனுமதி இன்றி வெளியேறுதல்: அறிவிப்பு காலம் வழங்காமல் திடீரென வேலையை விட்டு நின்றால், அது 'தகவல் இன்றி பணிக்கு வராமை' (Absconding) என்ற பிரிவின் கீழ் வர வாய்ப்புள்ளது. இது உங்கள் இகாமாவில் (Iqama) சிக்கல்களை ஏற்படுத்தி, மீண்டும் சவுதி வருவதற்குத் தடை விதிக்கப்படவும் வழிவகுக்கும்.
சுருக்கம்:
ஒப்பந்தம் காலாவதியான பிறகு வேலை செய்வதைத் தொடர்வது, சட்டப்படி புதிய ஒப்பந்தம் உருவானதாகவோ அல்லது தற்போதைய ஒப்பந்தம் நீட்டிக்கப்பட்டதாகவோ கருதப்படும்.
எனவே, உங்கள் ஒப்பந்தம் முடிவடையும் போது, பணியைத் தொடர விருப்பம் இல்லை எனில், அதை உறுதிப்படுத்தும் வகையில் முறையான தகவல் பரிமாற்றங்களை மேற்கொள்வதே சட்டரீதியான பாதுகாப்பை வழங்கும்.
கட்டுரைத் தொகுப்பு.
சம்மாந்துறை அன்சார்.
இலங்கை.
சவுதி அரேபியாவிலிருந்து.
