சவூதி அரேபியாவில் தற்போதைய சூழ்நிலைகளால் தாயகம் திரும்ப முடியாமல் தவித்துக் கொண்டிருக்கும் 'பைனல் எக்ஸிட்' விசா வைத்திருப்பவர்களுக்கு, அந்நாட்டு அரசாங்கம் ஒரு மிக முக்கியமான தளர்வை அறிவித்துள்ளது.
கடந்த 2026 பிப்ரவரி 25 முதல் விசா காலம் முடிவடைந்து, போக்குவரத்து மற்றும் இதர காரணங்களால் வெளியேற முடியாமல் தவித்தவர்களுக்கு இந்த அறிவிப்பு ஒரு பெரும் நிவாரணமாக அமைந்துள்ளது.
நேரடியாக வெளியேறலாம்:
விசா காலம் முடிவடைந்தவர்கள், இப்போது எவ்வித முன்னனுமதியும் இன்றி நேரடியாக சர்வதேச விமான நிலையங்கள் அல்லது துறைமுகங்கள் வழியாக வெளியேற அனுமதிக்கப்படுவார்கள்.
விசா நீட்டிப்பு தேவையில்லை:
இதற்காக நீங்கள் மீண்டும் பாஸ்போர்ட் அலுவலகத்திற்குச் சென்று விசாவை நீட்டிக்க (Visa Extension) வேண்டிய அவசியமில்லை.
அபராதம் கிடையாது:
தாமதத்திற்காக விதிக்கப்படும் அபராதத் தொகையோ (Fines) அல்லது விசா நீட்டிப்பிற்கான கூடுதல் கட்டணமோ வசூலிக்கப்பட மாட்டாது என அறிவிக்கப்பட்டுள்ளது.
கடைசித் தேதி - ஏப்ரல் 18:
இந்தச் சலுகையைப் பயன்படுத்திக் கொள்ளும் பயனாளிகள் அனைவரும் வரும் 2026 ஏப்ரல் 18 -ஆம் தேதிக்குள் சவூதி அரேபியாவை விட்டு வெளியேற வேண்டும் என அறிவுறுத்தப்படுகிறார்கள். இந்தத் தேதிக்குப் பிறகு தங்குபவர்கள் சட்ட நடவடிக்கைகளுக்கு உள்ளாக நேரிடும் என எச்சரிக்கப்பட்டுள்ளது.
உதவி மற்றும் மேலதிக விபரங்களுக்கு:
இது தொடர்பான கூடுதல் சந்தேகங்களுக்கு சவூதி பாஸ்போர்ட் பொது இயக்குநரகத்தின் (Jawazat) ஒருங்கிணைந்த உதவி எண்ணான 992 -ஐத் தொடர்பு கொள்ளலாம்.
பாதிக்கப்பட்டுள்ள உங்கள் நண்பர்கள் மற்றும் உறவினர்களுக்கு இந்தத் தகவலை உடனடியாகப் பகிர்ந்து அவர்களுக்கு உதவுங்கள்.
