மத்திய கிழக்கு நாடுகளான கட்டார், ஐக்கிய அரபு இராஜ்ஜியம், சவுதி அரேபியா, ஓமான், பஹ்ரெய்ன் மற்றும் குவைட் ஆகிய நாடுகளைச் சேர்ந்த பயணிகள் இலங்கைக்கு சமூகமளிப்பது ஜுலை 1 ஆம் திகதி முதல் ஜுலை 13 ஆம் திகதி வரை தற்காலிகமாக இடைநிறுத்துவதற்கு தீர்மானிக்கப்பட்டுள்ளதாக கொவிட்--19 தொற்றுப் பரவலைக் கட்டுப்படுத்தும் தேசிய செயலணி அறிவித்துள்ளது.
மத்திய கிழக்கு நாடுகளிலிருந்து வருகை தந்த 100 பேருக்கு ஒரே நாளில் கொவிட்-19 தொற்று காணப்பட்டமை இனங்காணப்பட்டதைத் தொடர்ந்து இந்தத் தீர்மானத்தை அமைச்சரவையுடன் கலந்தாலேசித்து பெற்றுக் கொண்டதாக அந்த செயலணி மேலும் தெரிவித்துள்ளது.
இலங்கைக்கு மீளத்திரும்ப எதிர்பார்த்துள்ள இந்த நாடுகளில் பணியாற்றும் இலங்கையர்களின் பயணத்தில் இந்தத் தீர்மானம் தாக்கத்தை ஏற்படுத்தும் எனவும் எதிர்பார்க்கப்படுகின்றது.
