சம்மாந்துறை ஆதார வைத்தியசாலைக்கு சம்மாந்துறை Reessa Str அமைப்பினரின் மாபெரும் உதவி.

சம்மாந்துறை ஆதார வைத்தியசாலைக்கு சம்மாந்துறையின் சதகா அமைப்பாக இயங்கிவரும் Reessa Str சதகா அமைப்பினால் புனித ரமழானில் ஸதகதுல் ஜாரியா நன்மையாக பத்து Wheelchair உம் ஒரு Patient trolley உம் 19/05/2020 செவ்வாய்க்கிழமை அன்பளிப்பு செய்யப்பட்டுள்ளது.

சம்மாந்துறையில் இயங்கி வரும் Reessa Str ஸதக்கா அமைப்பினர் பொருளாதார வசதியின்றி கஷ்டப்படும் ஏழைகளுக்கு அவர்களது வாழ்வாதாரத்தை மேம்படுத்த அவர்களுக்காக சுயதொழில் வாய்ப்புக்களை ஏற்படுத்திக் கொடுத்தல், கணவரை இழந்த விதவைப் பெண்களுக்கு சுயதொழில் வாய்ப்புக்களை ஏற்படுத்திக் கொடுத்தல், ஏழைக் குடும்பங்களுக்கு நீர் இணைப்பு,மின் இணைப்புக்களைப் இலவசமாக பெற்றுக் கொடுத்தல், பள்ளிவாசல்களுக்கு தேவையான உதவிகளைச் செய்தல் போன்ற பல்வேறுபட்ட சமூகத் தொண்டுகளை பல ஆண்டுகளாக சம்மாந்துறையில் செய்துவருகின்றார்கள் என்பது குறிப்பிடத் தக்கதாகும்.

Reessa Str சதக்கா அமைப்பினரின் வைத்தியசாலைக்கான இப்பாரிய ஸதகா அன்பளிக்கு சம்மாந்துறை ஆதார வைத்தியசாலையின் வைத்திய அத்தியட்சகர் வைத்தியர் திரு. ஆசாத் எம் ஹனீபா அவர்கள் நன்றிகளைத் தெரிவித்துள்ளார்கள்.