புதிதாக நியமிக்கப்பட்டுள்ள அமைச்சரவை சலுகைகளை எதிர்பார்க்காமல் செயற்படுமாறு ஜனாதிபதி கோட்டாபய ராஜபக்ஷ கோரிக்கை விடுத்துள்ளார். புதிதாக நியமிக்கப்பட்டுள்ள அமைச்சர்கள் மத்தியில் உரையாற்றிய ஜனாதிபதி, அமைச்சுப் பதவி என்பது பாரியதொரு பாக்கியம் அல்ல என்றும், அது பாரிய பொறுப்பு என்றும் சுட்டிக்காட்டினார்.
“அமைச்சர் என்ற முறையில் உங்களது சலுகைகள் எதையும் பயன்படுத்த வேண்டாம் என்று கேட்டுக்கொள்கிறேன். நீங்கள் திறமையாகவும், தூய்மையான நிர்வாகத்தை நோக்கியும் பணியாற்றுவீர்கள் என எதிர்பார்க்கிறேன்,'' என்றார்.
அரச நிறுவனங்கள் பாரிய நிதி நெருக்கடிகளை எதிர்நோக்கியுள்ள நிலையில் ஊழலை கட்டுப்படுத்த உதவுமாறு அமைச்சர்களிடம் ஜனாதிபதி மேலும் கோரிக்கை விடுத்தார்.
"உங்கள் அதிகாரத்தின் கீழ் உள்ள அரசு நிறுவனங்கள் ஊழலற்றவை என்பதை உறுதிசெய்து, பொது சேவைக்கு முன்னுரிமை கொடுங்கள்" என்று அவர் கூறினார்.
நிதி நெருக்கடியில் சிக்கியுள்ள அரச நிறுவனங்களை சீர்படுத்துவது மிகவும் அவசியமானது என ஜனாதிபதி ராஜபக்ஷ மேலும் தெரிவித்தார்.
அமைச்சர்கள் தங்கள் போராட்டங்கள் மூலம் பொதுமக்களின் கோரிக்கையான ‘சிஸ்டம் மாற்றத்தை’ செய்ய இதை ஒரு வாய்ப்பாக எடுத்துக் கொள்ள வேண்டும் என்றும் கேட்டுக் கொள்ளப்பட்டது.
ஜனாதிபதி கோட்டாபய ராஜபக்ஷவும் இந்த முயற்சியில் அரசாங்கத்திற்கு உதவுமாறு இளைஞர்களுக்கு அழைப்பு விடுத்தார்.
17 புதிய அமைச்சர்களைக் கொண்ட அமைச்சரவை இன்று காலை ஜனாதிபதி கோட்டாபய ராஜபக்ஷவினால் நியமிக்கப்பட்டது.
செய்தி மூலம் - https://www.newswire.lk
