சவுதியில் உள்ளவர்கள் தற்போது தங்கம் போன்ற விலை கூடிய பொருட்களை வாங்கி நஷ்டமடையாதீர்கள்.

தகவல் - சம்மாந்துறை அன்சார்.

சவுதி அரேபியாவில் வசிக்கும் நண்பர்கள் தற்போதைய சூழ்நிலையில் திருமண நிகழ்வுகளுக்கோ அல்லது இதர தேவைகளுக்கோ தாய்நாட்டிற்கு கொண்டு செல்வதற்காக தங்கம் மற்றும் இதர விலை கூடிய ஆடம்பரப் பொருட்களை வாங்கி நஷ்டமடைந்து விடாதீர்கள்.

சவுதி அரபியாவில் சென்ற மாதம் வரை 5 வீதம் வரி அறவிடும் முறை இருந்து வந்தமையினை நீங்கள் அனைவரும் அறிந்திருப்பீர்கள் தற்போது சவுதி அரேபியாவில் ஏற்பட்டுள்ள கொரோனா நெருக்கடி நிலையினால் ஏற்பட்டுள்ள பொருளாதார சரிவிலிருந்து மீட்சி பெற சவுதி அரேபியா கடந்த 01-07-2020 திகதி முதல் 5 வீதமாக இருந்த வரி அறவிடுவதை 15 வீதமாக உயர்த்தியுள்ளது. இனடிப்படையில் உதாரணமாக நீங்கள் 1000 றியால்களுக்கு ஏதாவது பொருட்கள் வாங்கினால் 150 றியால்கள் மேலதிகமாக கொடுக்க வேண்டிய நிலையுள்ளது. சிலர் திருமணம் போன்ற சில தேவைகளுக்கு நகைகள் மற்றும் ஏதாவது இதர விலை கூடிய பொருட்களை தாய் நாட்டிற்கு வாங்கிச் செல்ல எண்ணியிருப்பீர்கள் அவ்வாறு நீங்கள் வாங்கும் பொருட்களின் மொத்த தொகைககு ஏற்ப நீங்கள் 15 வீதம் மேலதிகமாக பணம் செலுத்த வேண்டும் என்பதை நினைவில் வைத்துக் கொள்ளுங்கள்.

அது மாத்திரமல்லாமல் தற்போது உலக சந்தையில் தங்கத்தின் விலை பாரியளவில் உயர்வடைந்திருக்கிறது, இலங்கையில் 24 கேரட் தங்கத்தின் ஒரு பவுனுக்கான விலை 1 இலட்சம் ரூபாய் வரைக்கும் சென்று கொண்டிருக்கின்றது, இதே நிலைதான் இந்தியாவிலும். தங்கத்திற்கான விலை சடுதியாக உயர்வடைந்துள்ள இந் நிலையில் தங்கம் புதிதாக வாங்குவதை விட இருக்கும் தங்கத்தை நல்ல விலையில் விற்பதே புத்திசாலித்தனமாகும்.

சவுதியில் இருக்கும் சகோதரர்கள் உணவு போன்ற இதர அத்தியாவசிமான பொருட்களை கொள்வனவு செய்வதில் எந்தப் பிரச்சினையும் இல்லை அவற்றுக்கும் 15 வீதம் வரி செலுத்தவே வேண்டும் இருந்தும் அவை குறைந்த அளவிலேயே இருக்கும் ஆனால் ஆடம்பட பொருட்கள், விலையுயர்ந்த பொருட்களை நீங்கள் கொள்வனவு செய்தால் அதற்கு வரும் மொத்த தொகைக்கும் சேர்த்து நீங்கள் 15 வீதமாக வரி செலுத்த வேண்டும். நீங்கள் சாதாரணமாக 2000 றியாலுக்கு ஒரு தொலைபேசி வாங்கினால் கூட அதற்கு 15 வீதம் வரியாக 300 றியால்கள்  மேலதிகமாக வழங்க வேண்டும். 

சவுதி அரேபியாவில் தங்கத்தின் விலை இன்றைய திகதியில் கீழ்க் காணும் அட்டவனையில் உள்ளது போன்று செல்கிறது இந்த விலையோடு செய் கூலிக்கான விலையும் கொடுக்க வேண்டும் ஆக நீங்கள் வாங்கும் தங்கத்தின் மொத்த நிறைக்கான மொத்த தொகைக்கு மேலதிகமாக 15 வீதம் வரி செலுத்த வேண்டும் என்பதை நினைவில் வைத்துக் கொள்ளுங்கள்.

தற்போது அறவிடப்படும் 15 வீதம் வரி இறுக்கமான நிலை தளர்வடைந்த பின்னர் நீக்கப்படவும் வாய்ப்புள்ளது என்பது குறிப்பிடத்தக்கதாகும்.

1 GRAM GOLD 24K	217.81	218.69	217.64	-0.63
GRAM 22K	199.95	200.76	199.79	-0.58
GRAM 21K	190.58	191.36	190.43	-0.55
GRAM 18K	163.36	164.02	163.23	-0.47
GRAM 14K	127.42	127.94	127.32	-0.37
GRAM 10K	90.83	91.20	90.75	-0.26
GRAM 6K	54.45	54.67	54.41	-0.16